N-LIST Awareness Workshop कार्यशाळेचे आयोजन

         

संत गाडगे बाबा अमरावती विद्यापीठ अमरावती द्वारा संलग्नित व श्री शिवाजी शिक्षण संस्था अमरावती द्वारा संचालित जरूड येथील कला व वाणिज्य महाविद्यालयामध्ये ग्रंथालय विभाग व आय.क्यू.ए.सी.विभाग यांच्या संयुक्त विद्यमाने  प्राचार्य डॉ जी. आर.तडस यांच्या मार्गदर्शनाखाली ग्रंथपाल डॉ.रविकांत महिंदकर यांनी 'एन लिस्ट' कार्यशाळेचे आयोजन केले. कार्यक्रमाचे अध्यक्ष महाविद्यालयाचे प्राचार्य डॉ जी. आर.तडस हे उपस्थित होते तर प्रमुख मार्गदर्शक म्हणून 'डिग्री कॉलेज ऑफ आर्ट्स अँड कॉमर्स कॉलेज' ,मुंबई येथील ग्रंथपाल डॉ. संघर्ष गजभिये उपस्थित होते.त्यांनी मार्गदर्शन करताना एन- लिस्ट मध्ये आपले खाते कसे उघडायचे, त्याचा वापर कसा करायचा इत्यादी बारीसारीक बाबी समजावून सांगितल्या.तसेच ई- रिसोर्सेस बुक्स, ई- जर्नल्स यांची सविस्तर माहिती दिली. विद्यार्थी व प्राध्यापक यांनी विचारलेल्या प्रश्नांची सविस्तर उत्तरे देऊन समाधान केले. कार्यक्रमाचे अध्यक्ष डॉ.जी. आर.तडस यांनी एन-लिष्ट च्या माध्यमातून विद्यार्थ्यांना व प्राध्यापकांना जगातील कोणतेही इ- जर्नल्स, इ - बुक्स वाचता येईल ही आपल्या ग्रंथालयाची मोठी उपलब्धी होय.याचे श्रेय ग्रंथपाल डॉ.रविकांत महिंदकर यांना जाते असे  गौरवोद्गार काढले.याप्रसंगी  डॉ.श्याम जाधव,डॉ.राम कुलसंगे, डॉ.अजय कुकडे, डॉ.रविकांत महिंदकर,डॉ.नलिनी बोडखे,डॉ. व्ही .जी वसू, प्रा.उदय ठाकरे,रासेयो कार्यक्रम अधिकारी प्रा.शशिकांत काळे, योगेश कासे,प्रा. प्रदीप आवारे, प्रा. तेजश्री घोटकर,प्रा.मोहिनी दारोकर,प्रा.प्रतीक्षा पाटील,प्रा. समीक्षा बिडकर, प्रा.रेणुका वानखडे, प्रा.लीलाधर चौधरी,प्रा. रूपाली सवई,प्रा.सीमा कानडे, प्रा.प्रज्ञा निंभोरकर,मुख्य लिपिक श्री दिनेश राऊत,निलेश खुरद,अर्चना राऊत,संतोष चव्हाण,महेंद्र कडू, युगल इत्यादी उपस्थित होते.कार्यक्रमाचे संचालन श्री गजानन चव्हाण यांनी केले तर आभार निलेश बंदे यांनी मानले.

शिक्षण महर्षी डॉ.पंजाबराव उपाख्य भाऊसाहेब देशमुख यांच्या १२५ व्या शतकोत्तर रौप्य महोत्सवी जयंती वर्षानिमित्त ग्रंथ प्रदर्शन

 शिक्षण महर्षी डॉ.पंजाबराव उपाख्य भाऊसाहेब देशमुख यांच्या १२५ व्या शतकोत्तर रौप्य महोत्सवी जयंती वर्षानिमित्त ग्रंथ प्रदर्शन 

दि.25/12/2023

   संत गाडगे बाबा अमरावती विद्यापीठ अमरावती द्वारा संलग्नित व श्री शिवाजी शिक्षण संस्था अमरावती द्वारा संचालित जरूड येथील कला व वाणिज्य महाविद्यालयामध्ये ग्रंथालय विभागाच्या वतीने प्राचार्य डॉ जी. आर.तडस यांच्या मार्गदर्शनाखाली डॉ पंजाबराव उपाख्य भाऊसाहेब देशमुख यांच्या 125 व्या शतकोत्तर रौप्य महोत्सवी जयंती वर्षानिमित्त ग्रंथपाल डॉ.रविकांत महिंदकर यांनी दि.25/12/2023 रोजी ग्रंथ प्रदर्शनाचे आयोजन केले. ग्रंथ प्रदर्शनाच्या माध्यमातून विद्यार्थ्यांना विविध ग्रंथांची ओळख व्हावी,वाचन संस्कृती रुजावी.या हेतूने ग्रंथ प्रदर्शनाचे आयोजन करण्यात आले.सर्व प्रथम शिक्षण महर्षी डॉ पंजाबराव उपाख्य भाऊसाहेब देशमुख यांच्या प्रतिमेचे पूजन व हारार्पण  करण्यात आले. प्राचार्य डॉ.जी. आर. तडस यांनी  विद्यार्थ्यांना मार्गदर्शन करताना जीवन जगण्याचे बळ व सामर्थ्य आपल्याला ग्रंथातून मिळते.ग्रंथ हे मानवाचे गुरु असून ते आपले मार्गदर्शक आहेत. ग्रंथ वाचनाने एक नवी,उमेद नवी ऊर्जा मिळते. त्यामुळे प्रत्येकाने अभ्यासाव्यतिरिक्त रोज किमान एक तास तरी वाचन करावे.असे प्रतिपादन केले.या प्रसंगी माजी मुख्याध्यापक श्री गोपाल तडस, श्री जगदीशराव देशमुख, माजी विद्यार्थी संघटना अध्यक्ष श्री सोपान ढोले,श्री नाना वानखडे, ह.भ.प.श्री रविंद्र बारस्कर, डॉ.श्याम जाधव,डॉ.राम कुलसंगे, डॉ.अजय कुकडे, डॉ.रविकांत महिंदकर,डॉ.नलिनी बोडखे, रासेयो कार्यक्रम अधिकारी प्रा.शशिकांत काळे, योगेश कासे,प्रा. प्रदीप आवारे, प्रा. तेजश्री घोटकर,प्रा.मोहिनी दारोकर,प्रा.प्रतीक्षा पाटील,प्रा. समीक्षा बिडकर, प्रा.रेणुका वानखडे, प्रा.लीलाधर चौधरी,प्रा. रूपाली सवई,प्रा.सीमा कानडे, प्रा.प्रज्ञा निंभोरकर,मुख्य लिपिक श्री दिनेश राऊत,निलेश खुरद,अर्चना राऊत,संतोष चव्हाण,अनिल हरले,इत्यादी उपस्थित होते.कार्यक्रमाचे संचालन डॉ.रविकांत महिंदकर यांनी केले तर आभार निलेश बंदे यांनी मानले.

डॉ.ए.पी.जे अब्दुल कलाम यांच्या जयंती निमित्य वाचन प्रेरणा दिन संपन्न

दि.15 आक्टो.2023

         संत गाडगे बाबा अमरावती विद्यापीठ अमरावती द्वारा संलग्नित व श्री शिवाजी शिक्षण संस्था अमरावती द्वारा संचालित जरुड येथील कला व वाणिज्य महाविद्यालयामध्ये प्राचार्य डॉ.जी.आर.तडस यांच्या मार्गदर्शनाखाली माजी राष्ट्रपती डॉ.ए.पी.जे अब्दुल कलाम यांच्या जयंती निमित्य रासेयो विभाग, ग्रंथालय

विभाग व आय.क्यू.ए.सी.  विभाग यांच्या संयुक्त विद्यमाने वाचन प्रेरणा दिन आयोजित करण्यात आला. कार्यक्रमाच्या अध्यक्षस्थानी महाविद्यालयाचे प्राचार्य डॉ.जी.आर. तडस हे होते.तर प्रमुख अतिथी म्हणून डॉ.राम कुलसंगे,डॉ.श्याम जाधव, डॉ.रविकांत महिंदकर हे उपस्थित होते. सर्वप्रथम डॉ.ए.पी. जे.अब्दुल कलाम व डॉ.पंजाबराव उपाख्य भाऊसाहेब देशमुख यांच्या प्रतिमेचे पूजन व हारार्पण करण्यात आले. कार्यक्रमाच्या प्रास्ताविकातून रविकांत डॉ. महिंदकर विद्यार्थ्यांमधील वाचनाची रुची कशी वाढवावी यावर आपले विचार व्यक्त केले.तसेच कार्यक्रम आयोजित करण्यामागील आपली भूमिका स्पष्ट केली.कार्यक्रमाचे अध्यक्ष प्राचार्य डॉ.जी.आर.तडस यांनी आपले विचार मांडताना माजी राष्ट्रपती डॉ.ए.पी.जे.अब्दुल कलाम यांनी संघर्षातून जीवनाला आकार दिला व देशासमोर एक आदर्श नवा ठेवला.पुस्तक वाचनाने, अभ्यासाने माणसाला उच्च ठिकाणी जाता येते हे सिध्दकरून दाखविले असे प्रतिपादन केले. प्रमुख अतिथी डॉ.राम कुलसंगे यांनी मिसाईल मॅन डॉ.ए.पी.जे अब्दुल कलाम यांचे जीवन प्रेरणादायी असून विद्यार्थ्यांनी आपल्या यशाचा मार्ग पादाक्रांत करतांना डॉ कलामांना आदर्श मानावे असे प्रतिपादन केले.कार्यक्रमाचे संचालन प्रा.शशिकांत काळे यांनी केले तर आभार डॉ.श्याम जाधव यांनी मानले. याप्रसंगी राज्यशास्त्र विभाग प्रमुख डॉ. विनायक भटकर, इंग्रजी विभाग प्रमुख तसेच आय.क्यू.ए.सी.समन्वयक डॉ.अजय कुकडे, श्री दिनेश राऊत,श्री निलेश खुरद,अर्चना राऊत,श्री संतोष चव्हाण, श्री निलेश बंदे, श्री अंबादास खंडारे, श्री अनिल हरले.तसेच विद्यार्थी मोठ्या संख्येने उपस्थित होते.

राष्ट्रपिता महात्मा गांधी जयंती निमित्य स्वच्छ्ता अभियान

            

    संत गाडगे बाबा अमरावती विद्यापीठ अमरावती द्वारा संलग्नित व श्री शिवाजी शिक्षण संस्था अमरावती द्वारा संचालित जरुड येथील कला व वाणिज्य महाविद्यालयामध्ये राष्ट्रीय सेवा योजना विभागाच्या वतीने प्राचार्य डॉ.जी.आर.तडस यांच्या मार्गदर्शनाखाली 02 ऑक्टोंबर 2023 रोजी राष्ट्रपिता महात्मा गांधी यांच्या जयंती निमित्त महाविद्यालयातील सुका व ओला कचरा गोळा करून त्याची विल्हेवाट लावली. परिसरातील खड्डे बुजविण्यात आले.महाविद्यालयाचे पटांगण झाडून लख्ख लख्ख स्वच्छ करण्यात आले. याप्रसंगी महाविद्यालयाचे प्राचार्य डॉ.जी. आर.तडस  रासेयो कार्यक्रमाधिकारी 

प्रा.शशिकांत काळे ,महिला रासेयो कार्यक्रम अधिकारी अर्चना राऊत, दिनेश राऊत,संतोष चव्हाण, निलेश बंदे, अनिल हरले,अंबादास  खंडारे तसेच रासेयो  स्वयंसेवक पवन भुजाडे, राहुल धुर्वे,कु. वैष्णवी मरस कोल्हे खूप अंजूषा कुंबरे कु.मृणाली मालधुरे , कु पल्लवी टेकोडे, कु.शितल राऊत, कु.सुष्मिता जोडे, कु.सुनाक्षी दंडाळे कु.तेजस्विनी इंगळकर, कु.मृणाल चंदने, कु.साक्षी रडके, विशाल डोंगरे, राहुल धुर्वे ,पवन भुजाडे इत्यादी उपस्थित होते.

डॉ.एस.आर.रंगनाथन यांचा स्मृतिदिन 'ग्रंथ वाचन चर्चा स्पर्धा' घेऊन साजरा

 श्री शिवाजी शिक्षण संस्था अमरावती द्वारा संचालित व संत गाडगेबाबा अमरावती विद्यापीठ अमरावती द्वारा संलग्नित  जरुड येथील कला वाणिज्य महाविद्यालयामध्ये डॉ. एस आर रंगनाथन यांचा स्मृतिदिन ग्रंथालय विभागाच्या वतीने प्राचार्य डॉ.जी.आर.तडस यांच्या मार्गदर्शनाखाली नुकताच साजरा करण्यात आला. कार्यक्रमाचे अध्यक्ष म्हणून महाविद्यालयाचे प्राचार्य डॉ.जी.आर.तडस हे उपस्थित होते.ग्रंथालय शास्त्राचे जनक डॉ.स्वामी रंगनाथन यांच्या स्मृतिदिनानिमित्त ग्रंथालय विभागाकडून विद्यार्थ्यांना ग्रंथ वाचण्यासाठी भेट देण्यात आले.शिक्षण महर्षी डॉ.पंजाबराव देशमुख  उपाख्य भाऊसाहेब यांच्या 125 व्या जयंती वर्षानिमित्त ग्रंथालय विभागाच्या वतीने भाऊसाहेबांनी लिखित 'वैदिक धर्म उद्गम आणि त्याचा विकास' या ग्रंथावर 'ग्रंथ वाचन व चर्चा'अशी स्पर्धा आयोजित करण्यात आली.विद्यार्थ्यांनी स्पर्धेमध्ये सहभाग नोंदवून आपली मते मांडली. प्राचार्य डॉ जी आर तडस यांनी विद्यार्थ्यांना मार्गदर्शन करताना वाचनाने माणूस समृद्ध होत असून रोज आपण वाचन करावे असे आवाहन विद्यार्थ्यांना केले.स्पर्धेमध्ये लोकेश सिरासम याने प्रथम क्रमांक पटकावला. कु.शितल राऊत हिचा द्वितीय क्रमांक तर तृतीय क्रमांक पवन भुजाडे याने पटकाविला.या प्रसंगी डॉ.रविकांत महिंदकर (ग्रंथपाल) यांनी विद्यार्थ्यांना वाचनाचे महत्त्व समजून सांगितले तसेच डॉ.एस.आर.रंगनाथन यांनी सांगितलेली पंचसूत्राची महती विद्यार्थ्यांना पटवून दिली. वाचनाची आवड निर्माण करण्यासाठी आपण ग्रंथालयामध्ये वेळ घालवणे आवश्यक असल्याचे प्रतिपादन डॉ .महिंदकर यांनी केले. याप्रसंगी डॉ.एस एम.जाधव,डॉ.राम कुलसंगे डॉ.अजय कुकडे प्रा.शशिकांत काळे,निलेश खुरद,अर्चना राऊत,पवन भुजाडे लोकेशन सिरसाम,मयूर कुंभारे,शितल राऊत,सुष्मिता झोडे, वैष्णवी मरस्कोल्हे, अंकुश युवनाते,राहुल धुर्वे,मृणाली मालधूरे, सुनाक्षी दवंडे,मंजुषा कुमरे,दर्शन महल्ले ,विशाल कंगाले इत्यादी उपस्थित होते.

कला व वाणिज्य महाविद्यालच्यावतीने शिक्षक दिनाचे आयोजन

 

     संत गाडगेबाबा अमरावती विद्यापीठ अमरावती द्वारा संलग्नित व श्री शिवाजी शिक्षण संस्था अमरावती द्वारा संचालित जरुड येथील कला व वाणिज्य महाविद्यालयांमध्ये 5 सप्टेंबर रोजी राष्ट्रीय सेवा योजना विभागाच्यावतीने शिक्षक दिनाचे आयोजन करण्यात आले होते. कार्यक्रमाचे अध्यक्ष महाविद्यालयाचे प्राचार्य डॉ.जी.आर.तडस सर हे उपस्थित होते.तर प्रमुख अतिथी मराठी विभाग प्रमुख डॉ.एस.एम.जाधव , राज्यशास्त्र विभाग प्रमुख डॉ. व्ही.एच.भटकर, ग्रंथपाल डॉ.रविकांत महिंकर,श्री दिनेश राऊत हे उपस्थित होते. सर्वप्रथम शिक्षण महर्षी डॉ पंजाबराव देशमुख व डॉ.सर्वपल्ली राधाकृष्णन यांच्या प्रतिमेचे पूजन व हारार्पण करण्यात आले.

    कार्यक्रमाचे अध्यक्ष प्राचार्य डॉ.जी.आर.तडस यांनी आपले विचार मांडताना जीवनात गुरुचे  अनन्य साधारण महत्त्व असून शिष्याचे जीवन बदलण्याची ताकद गुरु मध्ये असते. म्हणून गुरु हे श्रेष्ठ आहेत.वाईट गोष्टींपासून दूर राहून ज्या ज्या चांगल्या गोष्टी आहेत;त्या त्या आत्मसात कराव्यात असे प्रतिपादन केले.

प्रमुख अतिथी डॉ.एस.एम.जाधव यांनी शिक्षक हा कर्तव्यनिष्ठ व क्षमाशिल असला पाहिजे. विज्ञानाच्या युगात  शिक्षकाचे व विद्यार्थ्यांचे नाते अजून घट्ट झाले असून गुरु आणि शिष्य दोघांनीही आपले चारित्र्य चांगले ठेवावे.असा मोलाचा सल्ला दिला. तसेच या प्रसंगी डॉ.व्ही.एच. भटकर,डॉ.रविकांत महिंदकर श्री दिनेश राऊत यांनीही आपले विचार मांडले. याप्रसंगी प्रा शशिकांत काळे डॉ प्रज्ञा निंभोरकर ,डॉ.स्वाती काळमेघ,श्री विजय दारोकर, कु अर्चना राऊत, श्री निलेश खुरद,संतोष चव्हाण तसेच रासेयो स्वयंसेवक कु.आचल वर्मा,योगेश उईके,भावेश तळखंडे,नरेंद्र कुमरे, चेतन आहके,अंकुश युवनाते इत्यादी उपस्थित होते. कार्यक्रमाचे सूत्रसंचालन प्रा.शशिकांत काळे यांनी केले तर आभार डॉ.प्रज्ञा निंभोरकर यांनी मानले.

कला व वाणिज्य महाविद्यालयामध्ये नुकताच पाचवा पदवी वितरण समारंभ संपन्न

 

                     संत गाडगे बाबा अमरावती विद्यापीठ अमरावती द्वारा संलग्नित व श्री शिवाजी शिक्षण संस्था अमरावती द्वारा संचालित जरूड येथील कला व वाणिज्य महाविद्यालयामध्ये नुकताच पाचवा पदवी वितरण समारंभ प्राचार्य डॉ.जी.आर.तडस यांच्या मार्गदर्शनाखाली संपन्न झाला.कार्यक्रमाची सुरुवात वैराग्यमूर्ती संत गाडगे बाबा व शिक्षण महर्षी डॉ पंजाबराव उपाख्य भाऊसाहेब देशमुख यांच्या प्रतिमेचे पूजन व हारार्पण करून तसेच विद्यापीठ गीत गाऊन करण्यात आली.कार्यक्रमाचे अध्यक्ष महाविद्यालयाचे प्राचार्य डॉ.जी.आर.तडस हे उपस्थित होते.तर प्रमुख अतिथी म्हणून प्राचार्य डॉ.आर.एन.फुलारी, डॉ.श्यामा प्रसाद मुखर्जी कला महाविद्यालय,शेंदूरजनाघाट,हे उपस्थित होते.तसेच प्रमुख अतिथी म्हणून डॉ राम कुलसंगे,डॉ.विनायक भटकर,डॉ.रविकांत महिंदकर हे उपस्थित होते. कार्यक्रमाचे अध्यक्ष डॉ.जी.आर.तडस यांनी काळानुसार विद्यार्थ्यांनी बदलले पाहिजे.परिवर्तन हा सृष्टीचा नियम असून ज्यांनी प्रामाणिकपणे शिक्षण घेतले ते पुढे गेले.सत्यवादी , प्रामाणिक माणूस जीवनात कधीही अयशस्वी होत नाही.हे विद्यार्थ्यांनी लक्षात ठेवावे. पुस्तकांशी नाते जोडा पुस्तकेच आपले खरे गुरु आहेत.असे प्रतिपादन केले. तर प्रमुख अतिथी डॉ.आर.एन.फुलारी यांनी   सध्याच्या काळात संघर्षा शिवाय पर्याय नाही.विद्यार्थ्यांनी पदवी मिळून स्वयंरोजगार निर्माण करावा. विद्यार्थ्यांनी निराश हतबल न होता त्यातून मार्ग काढून परिस्थितीवर मात करावी. जीवनात येणाऱ्या प्रत्येक संधीचे सोने करावे.आत्मनिर्भर बनवून मन ओतून प्रत्येक काम करावे. कला कौशल्य वापरून रोजगाराच्या संधी उपलब्ध कराव्या.हस्त कौशल्य,बुद्धी कौशल्य आणि भाषा कौशल्य इत्यादी कौशल्ये आत्मसात करून स्वतःचा विकास करावा. शिक्षणामुळे तुमच्यात आत्मविश्वास निर्माण होतो आणि तुम्ही स्वयंपूर्ण जीवन जगण्यास पात्र होता.असे सांगितले. या प्रसंगी प्रमुख अतिथी डॉ.विनायक भटकर, डॉ.रविकांत महिंदकर यांनीही आपले विचार व्यक्त केले.

कला शाखेच्या 5 विद्यार्थ्यांना पदवीचे वितरण सन्माननीय अध्यक्षांच्या व प्रमुख अतिथींच्या हस्ते करण्यात आले.आकाश मानकर व कु. रोशनी बडोदे या  2 विद्यार्थ्यांनी प्रविण्यासह प्रथम श्रेणी प्राप्त केली.तर 3 विद्यार्थ्यांनी प्रथम श्रेणी प्राप्त केली. कार्यक्रमाचे प्रास्ताविक डॉ.राम कुलसंगे यांनी केले तर कार्यक्रमाचे संचालन डॉ. श्याम जाधव यांनी केले.या प्रसंगी डॉ.राम कुलसंगे , डॉ.विनायक भटकर,डॉ.रविकांत महिंदकर प्रा. शशिकांत काळे ,गजानन चव्हाण,अर्चना राऊत,दिनेश राऊत, निलेश खुरद, राहुल धूर्वे, गणेश आहाके,अनुप बगेकर,गौरव यावलकर,प्रतीक होले,सोनाक्षी दंडाळे, कु.सोनम बडोदे, प्रा.प्रदीप आवारे,प्रा.बिडकर मॅडम,प्रा. मोहिनी दारोकर,निलेश बंदे तसेच विद्यार्थी मोठया संख्येने उपस्थित होते.कार्यक्रमाची सांगता राष्ट्रगीताने करण्यात आली.